లాక్ డౌన్ ను తేలిగ్గా తీసుకుంటున్న వారికి ఇది ఒక గుణపాఠం. కరోనా వైరస్ వ్యాప్తిని నిరోధించేందుకు దేశం మొత్తం 21 రోజుల లాక్ డౌన్ కు ప్రభుత్వం నిర్ణయం తీసుకుంటే దాన్ని చాలా మంది ఉల్లంఘిస్తున్నారు. అలాగే చిత్తూరు జిల్లా పీలేరులో కూడా లాక్ డౌన్ నిబంధనలను కొందరు ఉల్లంఘించారు.
ఇలా ఉల్లంఘించిన వారిపై పీలేరు పోలీసులు కేసులు నమోదు చేశారు. కొందరు ఆటోలు కూడా నడిపారు. వీరందరిపైనా పీలేరు అర్బన్ సి.ఐ కేసులు నమోదు చేసి పీలేరు కోర్టులో హాజరు పరచగా వారికి ఒక్కొక్కరికి వెయ్యి రూపాయలు జరిమానా రెండు రోజుల పాటు జైలు శిక్ష విధించారు. దాంతో వారందరిని కారాగారానికి తరలించారు.
