క్లాసికల్ డాన్సర్ గా, సూపర్ స్టార్ మహేష్ బాబు కుమార్తెగా ఇప్పటికే స్టార్ స్టేటస్ ఎంజాయ్ చేస్తున్న ఘట్టమనేని సితార ఇప్పుడు హాలీవుడ్ సినిమాకి డబ్బింగ్ చెబుతున్నది. 2013లో వచ్చిన అమెరికన్ యానిమేటెడ్ మూవీ ఫ్రోజెన్. ఆరేళ్ల తర్వాత ఈ సినిమాకి సీక్వెల్ గా వస్తున్న మూవీ ఫ్రోజెన్ 2. వాల్ట్ డిస్నీ బ్యానర్ ప్రొడ్యూస్ చేస్తున్న ఫ్రోజెన్ 2 సినిమాని క్రిస్ బక్ డైరెక్ట్ చేస్తున్నాడు. ఇప్పటికే ఫ్రోజెన్ 2 ట్రైలర్ రిలీజ్ అయ్యి సినీ అభిమానులని ఆకట్టుకుంది. ఇంగ్లీష్ తో పాటు హిందీ తమిళ తెలుగు భాషల్లో నవంబర్ 22న ఈ సినిమా రిలీజ్ కానుంది. ఫ్రోజెన్ 2 తెలుగు వెర్షన్ లోని మెయిన్ క్యారెక్టర్ అయిన ఎల్సా పాత్రకి ఘట్టమనేని సితార డబ్బింగ్ చెప్పనుంది. ఈ వార్త మహేష్ బాబు అభిమానులకి స్పెషల్ న్యూస్ అయ్యింది. త్వరలో సితార వాయిస్ ఉన్న ఫ్రోజెన్ 2 తెలుగు ట్రైలర్ కూడా రిలీజ్ కానుంది.
మరో అరుదైన అవకాశం దక్కించుకున్న మహేష్ బాబు కుమార్తె
