అంతర్జాతీయ మాతృదినోత్సవాలు జరుపుకోవడం కాదు…. ఈ తల్లి ఆవేదన తీర్చండి ముందు. తూర్పు గోదావరి జిల్లా మామిడికుదురు మండలానికి చెందిన ఒక తల్లి ఏడుస్తున్నది… ఆమె కన్నీళ్లు తుడిచేవారు కనిపించడం లేదు.
అంతర్జాతీయ మాతృదినోత్సవం జరుగుతున్న విషయం కూడా ఆ తల్లికి తెలియదు… ఆమె ఆవేదన అంతా తన కుమారుడి ప్రాణాలు ఎలా కాపాడుకోవాలా అనేది మాత్రమే. పాశర్లపూడి గ్రామానికి చెందిన ఈ తల్లి తన ఏడు నెలల బాబును తీసుకుని ఆసుపత్రుల చుట్టూ తిరుగుతున్నది.
ఆమె బాబుకు మూడు రోజుల క్రితం కరోనా పాజిటివ్ నిర్ధారణ అయింది. మూడు రోజుల నుండి ఎన్ని ఆసుపత్రులు తిరిగినా అడ్మిట్ చేసుకోలేదు.
ఎవరూ అయ్యో పాపం అని కూడా అనడం లేదు. ‘‘ నా ఏడు ఏడు నెలల బిడ్డను కాపాడండి’’ అంటూ ఆ తల్లి ఏడుస్తున్నది….. పాలకులారా వినిపిస్తున్నదా? అతి దీనంగా ఏడుస్తున్న ఆ తల్లి పేరు ప్రమీల.
