ప్రజారక్షణకై అహర్నిశలు కష్టపడి పనిచేస్తూ అప్పగించిన బాధ్యతలను సక్రమంగా నిర్వహించాలని పోలీస్ కమిషనర్ విష్ణు యస్. వారియర్ అన్నారు. బుధవారం టి ఎస్ ఎస్ పి తెలంగాణ స్టేట్ స్పెషల్ పోలీస్ నుండి ఖమ్మం జిల్లా ఆర్ముడ్ రిజర్వు విభాగానికి కన్వర్షన్ పై వచ్చిన 67 మంది పోలీస్ సిబ్బందితో పోలీస్ కమిషనర్ మాట్లాడారు.
పోలీస్ హెడ్ క్వార్టర్స్ లోని పోలీస్ కళ్యాణ మండపంలో ఏర్పాటు చేసిన కార్యక్రమంలో కన్వర్షన్ పోలీస్ సిబ్బందితో ఆయన మాట్లాడుతూ పోలీస్ సిబ్బంది సంక్షేమానికి అత్యధిక ప్రాధాన్యత ఇస్తున్నామని, ఏదైనా సమస్య ఉంటే తన దృష్టికి తీసుకురావాలని సూచించారు.
ప్రస్తుత పరిస్థితులలో జిల్లాలో పోలీస్ వాహనాలకు డ్రైవర్ల అవసరం ఎక్కువ ఉన్న నేపధ్యంలో లైసెన్స్,అనుభవం, ఆసక్తి ఉన్న పోలీస్ సిబ్బందికి అయా సెక్షన్ లో ఆవకాశం కల్పిస్తామన్నారు.
అదేవిధంగా భవిష్యత్తులో వృత్తి పరంగా , టెక్నాలజీ పరంగా అనుభవాలను పరిగణంలోకి తీసుకొని పోలీస్ విధులలో సద్వినియోగం చేసుకుంటామని తెలిపారు.
ఈ కార్యక్రమంలో అడిషనల్ డీసీపీ లా&ఆర్డర్ సుభాష్ చంద్ర బోస్, అడిషనల్ డీసీపీ( ఎఆర్ ) కుమారస్వామి , ఆర్ఐ లు రవి, తిరుపతి , సాంబశివరావు పాల్గొన్నారు.
