బిగ్ బి అమితాబ్ బచ్చన్ కరోనా పాజిటీవ్ తో నానావతి ఆసుపత్రిలో చేరిన విషయం తెలిసిందే. ఆయన కుమారుడు బాలివుడ్ నటుడు అభిషేక్ బచ్చన్ కు కూడా కరోనా పాజిటీవ్ వచ్చింది. బచ్చన్ కుటుంబంలోని ఇతర సభ్యులకు కూడా కరోనా టెస్టులు నిర్వహించారు.
సంతోషకరమైన విషయం ఏమిటంటే వారి కుటుంబంలోని మిగిలిన వారికి నెగెటీవ్ వచ్చింది. అమితాబ్ సతీమణి జయబచ్చన్, కోడలు ఐశ్వర్యారాయ్ బచ్చన్ లకు కరోనా నెగెటీవ్ వచ్చింది. మనుమరాలు ఆరాధ్య తదితరులకు కూడా కరోనా నెగెటీవ్ వచ్చింది.
అమితాబ్ బచ్చన్ కు చికిత్స కొనసాగుతున్నదని, ఆయన ఆరోగ్యం నిలకడగా ఉందని నానావతి ఆసుపత్రి వైద్యులు వెల్లడించారు. నిన్నరాత్రి 10 గంటల సమయంలో అమితాబ్ ను ఆసుపత్రికి తీసుకువచ్చారని అప్పటి నుంచి ఆయన ఆరోగ్య స్థితి మెరుగ్గానే ఉందని వారు వెల్లడించారు.