తెదేపా పోలిట్ బ్యూరో సభ్యులు, ఎమ్మెల్యే, ప్రముఖ సినీ నటులు, నందమూరి బాలకృష్ణ తన అభిమాన సంఘం అధ్యక్షుడి కుమార్తె వివాహానికి హజరై అందరిని ఆశ్చర్యపరిచారు. అనంతపురంలో హీరో బాలకృష్ణ అభిమాన సంఘం అధ్యక్షుడు గౌస్ మొహిద్దీన్ కుమార్తె వివాహం జరిగింది. ఈ కల్యాణోత్సవానికి బాలకృష్ణ హాజరై వధూవరులను ఆశీర్వదించారు. నగర శివారులోని ఎం.వై.ఆర్ ఫంక్షన్ హాల్లో ఏర్పాటు చేసిన ఈ కార్యక్రమానికి హీరో బాలకృష్ణ పాల్గొనడంతో అభిమానులు పెద్ద సంఖ్యలో తరలివచ్చారు. బాలయ్య రాకతో పెళ్లిలో సందడి నెలకొంది. గౌస్ మొహిద్దీన్ తెదేపా కార్యకర్తగా ఉంటూ గతంలో గ్రంథాలయ ఛైర్మన్గా పని చేశారు. ఈ కార్యక్రమానికి తెదేపా పోలిట్ బ్యూరో సభ్యులు, మాజీ మంత్రి కాల్వ శ్రీనివాసులు, పరిటాల సునీత ఇతర నాయకులు పాల్గొని వధూవరులను ఆశీర్వదించారు.
అభిమాని కుమార్తె వివాహానికి హాజరైన బాలయ్య
