సూర్యాపేట జిల్లా హుజూర్ నగర్ నియోజకవర్గం పాలకీడు మండలం మూసి ఒడ్డు సింగారం గ్రామంలో గత మూడు రోజుల నుంచి వచ్చిన వర్షానికి పంట నష్టపోయిన రైతుల పొలాలను భారతీయ జనతా పార్టీ జిల్లా అధ్యక్షుడు బొబ్బ భాగ్యరెడ్డి పరిశీలించారు.
పంట నష్టపోయిన రైతులను పరామర్శించిన బొబ్బ భాగ్యరెడ్డి సూర్యాపేట జిల్లా వ్యవసాయ అధికారులతో మాట్లాడి రైతులకు వెంటనే న్యాయం చేసి నష్టపరిహారాన్ని చెల్లించాలని డిమాండ్ చేశారు. ఈ కార్యక్రమంలో స్థానిక పార్టీ నాయకులు, కార్యకర్తలు, రైతులు పాల్గొన్నారు.
