లోక్‌సభ ఎన్నికలకు బీజేపీ రాష్ట్ర ఇన్‌ఛార్జ్‌లను ప్రకటించింది. ఒక్క ఆంధ్రప్రదేశ్ కు తప్ప దాదాపు అన్ని రాష్ట్రాలకు ఆ పార్టీ రాష్ట్ర ఇన్‌చార్జి, కో-ఇన్‌చార్జ్‌లను నియమించినట్లు బీజేపీ ఒక ప్రకటనలో తెలిపింది. త్రిపుర మాజీ ముఖ్యమంత్రి బిప్లబ్ దేబ్ హర్యానాకు ఇన్‌ఛార్జ్‌గా వ్యవహరించనున్నారు. గుజరాత్ మాజీ ముఖ్యమంత్రి విజయ్ రూపానీ పంజాబ్-చండీగఢ్‌కు ఇన్‌ఛార్జ్‌గా వ్యవహరిస్తారు. బీహార్ మాజీ మంత్రి మంగళ్ పాండే పశ్చిమ బెంగాల్ ఇంచార్జిగా నియమితులయ్యారు. దీంతో పాటు ఈశాన్య రాష్ట్రాల సమన్వయకర్తగా సంబిత్ పాత్రను నియమించారు. తెలంగాణ రాష్ట్రానికి తరుణ్ చుగ్ కొనసాగుతారు.
