కరోనా వైరస్ పై అవగాహన కల్పించేలా ఓ కారును విచిత్రంగా తయారు చేసి రోడ్లపై తిప్పుతున్నారు సుధా కార్జ్ మ్యూజియం వ్యవస్థాపకుడైన సుధాకర్. కరోనా వైరస్ ఆకారంలో కారును తయారు చేసిన ఆయన దాన్ని రోడ్లపై తిప్పుతున్నారు.
ఓ పెద్ద గుండ్రని వస్తువు రోడ్లపై తిరుగుతుండటం చూసి జనాలు ఆశ్చర్యపోతున్నారు. హైదరాబాద్లోని సుధా కార్జ్ మ్యూజియం వ్యవస్థాపకుడైన సుధాకర్ చేసిన ఈ ప్రయోగం సక్సెస్ అయింది. కేవలం పది రోజుల్లోనే ఈ కరోనా కారును తయారు చేసినట్లు సుధాకర్ వెల్లడించాడు. ఇందులో ఒకరు కూర్చొని ప్రయాణించవచ్చని తెలిపారు. 100 సీసీ ఇంజిన్ సామర్థ్యం దీని సొంతమని, లీటరుకు 40 కిలో మీటర్లు ప్రయాణించగలదని, అంతేకాక, దీని ద్వారా యువతలో అవగాహన కల్పించవచ్చని సుధాకర్ చెప్పారు.