భూ ఆక్రమణ కుంభకోణం ఎదుర్కొంటున్న రాష్ట్ర వైద్య ఆరోగ్య శాఖ మంత్రిగా నిన్నమొన్నటి వరకూ పని చేసిన ఈటెల రాజేందర్ ను మంత్రి వర్గం నుంచి బర్తరఫ్ చేశారు. ఆయన నుంచి ఆరోగ్య శాఖను తొలగించి ముఖ్యమంత్రి కేసీఆర్ తన వద్ద పెట్టుకున్నారు. పోర్టుఫోలియోను తీసివేసిన తర్వాత ఈటెల రాజేందర్ శాఖ లేని మంత్రిగా ఉండిపోయారు. ఆయనంతట ఆయనగా రాజీనామా చేస్తారేమోనని ఆగినట్లున్నారు. అయితే ఆయన రాజీనామా చేసే పరిస్థితి లేకపోవడంతో కొద్ది సేపటి కిందన ఈటెలను మంత్రివర్గం నుంచి బర్తరఫ్ చేస్తూ ముఖ్యమంత్రి కేసీఆర్ రాష్ట్ర గవర్నర్ కు సిఫార్సు చేశారు. దాంతో ఈటెల మాజీ మంత్రి అయిపోయారు.
మంత్రి వర్గం నుంచి ఈటెల రాజేందర్ బర్తరఫ్
