ఛత్తీస్‌గఢ్‌లోని బస్తర్ ప్రాంతంలో భద్రతా దళాలతో జరిగిన ఎన్‌కౌంటర్‌లో నలుగురు నక్సలైట్లు మరణించారని సీనియర్ పోలీసు అధికారి ఆదివారం తెలిపారు. ఎదురుకాల్పుల్లో జిల్లా రిజర్వ్ గార్డ్ (డిఆర్‌జి)కి చెందిన ఒక హెడ్ కానిస్టేబుల్ కూడా మరణించాడని ఆయన చెప్పారు. నారాయణపూర్, దంతేవాడ జిల్లాల సరిహద్దులోని దక్షిణ అబుజ్‌మాద్‌లోని అటవీప్రాంతంలో శనివారం సాయంత్రం భద్రతా సిబ్బంది ఉమ్మడి బృందం నక్సలైట్ వ్యతిరేక ఆపరేషన్‌లో ఉన్నప్పుడు కాల్పులు జరిగినట్లు అధికారి తెలిపారు. శనివారం అర్థరాత్రి ఎదురుకాల్పులు ఆగిన తర్వాత ఘటనా స్థలం నుంచి నలుగురు నక్సలైట్ల మృతదేహాలు, ఆటోమేటిక్ ఆయుధాలు, ఎకె-47 రైఫిల్, సెల్ఫ్ లోడింగ్ రైఫిల్ (ఎస్‌ఎల్‌ఆర్) స్వాధీనం చేసుకున్నట్లు తెలిపారు. ఈ కాల్పుల్లో డీఆర్‌జీ హెడ్ కానిస్టేబుల్ సన్ను కరమ్ కూడా మరణించినట్లు అధికారి తెలిపారు.
బస్తర్ లో భారీ ఎన్ కౌంటర్
