28.2 C
Hyderabad
January 21, 2022 15: 51 PM
Slider పశ్చిమగోదావరి

కోట్లు కొల్లగొడుతున్న వి ఆర్ ఓ కు ఉన్నతాధికారుల అండ?

#Pedavegi

పశ్చిమ గోదావరి జిల్లా పెదవేగి మండలం లో అవినీతికి పాల్పడుతున్నారంటూ  తాహసీల్దార్ కార్యాలయానికి సరెండర్ చేసిన వి ఆర్ ఓ లలో అత్యంత అవినీతిపరుడిని మాత్రం కొనసాగిస్తున్నారు. సరెండర్ చేసిన వి ఆర్ ఓ లు మొత్తం నలుగురా లేక ఐదుగురా అనే క్లారిటీని ఉన్నతాధికారులు ఇవ్వడం లేదు. ఒక వి ఆర్ ఓ దగ్గర ముడుపులు తీసుకుని ఆ వి ఆర్ ఓ ని సరెండర్ చేయకుండా ఓ అధికారి అడ్డుకున్నట్టు విశ్వసనీయ సమాచారం.

ఈ వి ఆర్ ఓ నే అధికారుల ఆర్థిక ఆదాయ వనరుగా చెప్పుకుంటారు. ఈ వి ఆర్ ఓ నే ఏలూరు నుండి భీమడోలు వెళ్లే జాతీయ రహదారిలో ఉన్న అత్యంత ఖరీదైన రెస్టారెంట్ లో అధికారులకు ఆతిథ్యం ఇచ్చి తనకు అవసరమైన ఆదాయం వచ్చే మ్యుటేషన్ పైల్స్ పై, బోరు సర్టిఫికెట్ ల పైన, సంతకాలు చేయించుకుని అధికారుల చేతులు పూర్తి స్థాయిలో తడు పుతాడని రెవిన్యూ సిబ్బంది చెప్పుకుంటారు.

పెదవేగి మండలం లో అత్యంత అవినీతికి పాల్పడుతున్నాడని ఆరోపణలు ఎదుర్కొంటున్న వి ఆర్ ఓ పేరు సరెండర్ లిస్ట్ నుండి తప్పించి దళిత సామాజిక వర్గానికి చెందిన 4 గురు వి ఆర్ ఓ లను మాత్రమే అధికారులు రెగ్యులర్ విధుల నుండి తప్పించి తహసీల్దార్ కార్యాలయానికి సరెండర్ చేయడం పై అధికారుల తీరుపై పలు విమర్శలు వెల్లు వెత్తుతున్నాయి.

ఈ విషయం బయటికి పొక్కకుండా గుట్టుగా ఉంచినప్పటికి సరెండర్ అవ్వాల్సిన వి ఆర్ ఓ పై అధికారుల పక్షపాత వైఖరిని కొంతమంది రెవిన్యూ సిబ్బంది జీర్ణించుకోలేకపోతున్నట్టు తెలిసింది. సరెండర్ అయ్యేవాళ్ళలో మొదటి స్థానంలో ఉండాల్సిన వి ఆర్ ఓ ని తప్పించవలసిన అవసరమేమిటని కొంత మంది వి ఆర్ ఓ లు తర్జన భర్జన పడుతున్నట్టు తెలిసింది.

లక్షలాది రూపాయలు వసూలు చేసిన వాడు ఇంకా ఉన్నాడంటే అర్ధం ఏమిటి?

ఆ వి ఆర్ ఓ ని సరెండర్ చేయకపోగా విధులకు హాజరు కాకుండా కొన్ని వంకలు చూపి తహసీల్దార్ కార్యాలయం లొనే తచ్చాడుతుండమేమిటని రెవిన్యూ సిబ్బంది చర్చించుకుంటున్నట్టు సమాచారం. సరెండర్ కాకుండా తప్పించుకున్న వి ఆర్ ఓ ఆయన విధులు నిర్వహించే గ్రామంలో కొంతమంది రైతులనుండి భూములు కన్వర్షన్ చేయిస్తానని, ఆడంగల్ కరెక్షన్స్ చేయిస్తానని, భూములమ్యుటేషన్ ల వ్యవహారంలో కూడా లక్షలాదిరూపాయలు వసూలుచేసినట్టు తెలిసింది.

దీంతో ఆ వి ఆర్ ఓ పై ఆ గ్రామ రైతులు అధికారులకు ఫిర్యాదు చేయడం తో అసలు విషయం బయటపడినట్టు చెప్పుకుంటున్నారు. ఈ వి ఆర్ ఓ ఆర్థికంగా బలమైన వ్యక్తి అగ్రకులానికి చెందిన వ్యక్తి కావడం తో   కొద్ది రోజులు సెలవులో ఉండి ఆ తరువాత కూడా ఆ వి ఆర్ ఓ విధులకు హాజరు కాకుండా తహసీల్దార్ కార్యాలయంలోనే కాలం గడుపుతున్నట్టు సమాచారం.

ఇంతకీ ఆ వి ఆర్ ఓ కి అత్యంత ఆదాయ వనరులున్న ఓ గ్రామానికి వి ఆర్ ఓ గా బాధ్యతలు అప్పగించడం వెనుక ఆంతర్యం ఏమిటని రెవిన్యూ కార్యాలయ సిబ్బంది చర్చించుకుంటున్నట్టు తెలిసింది. ఈ విషయాలన్నీ అందరికి  తెలిసినా పైకి చెప్పలేక పోతున్నామని కొంతమంది వి ఆర్ ఓ లు గుస గుసలాడుకుంటున్నట్టు విశ్వాసనీయ సమాచారం. పెదవేగి తహసీల్దార్ కార్యాలయం లో మ్యుటేషన్ ల ముసుగులో రైతులను అడ్డగోలుగా ఆర్థిక దోపిడీ జరుగుతుందని వస్తున్న ఆరోపణలపై  జిల్లా ఉన్నతాధికారులు విచారణ జరిపించాలని మండలంలో బాధిత రైతులు కోరుతున్నారు.

మరో ప్రక్క మ్యుటేషన్ ల వ్యవహారం లో రెవిన్యూ అధికారులకు రైతులు చేజారిన లక్షలాది రూపాయలు తిరిగి చేతికొచ్చేనా, చేజారిన నగదును ప్రతిఫలంగా మ్యుటేషన్ లు ప్రక్రియ సజావుగా చేస్తారా లేదా అనే భయం రైతులను కలవర పెడుతున్నట్టు చెప్పుకుంటున్నారు.

Related posts

త్రేతేశ్వరాయనమహ: మాతృ హత్యాపాతకం నుంచి విముక్తి కలిగించిన హత్యరాల

Satyam NEWS

కఠిన చర్యలు తీసుకోకుంటే.. మూడో వేవ్

Sub Editor

నిర్ణయంలో మార్పులేదు అడుగు ముందుకే

Satyam NEWS

Leave a Comment

error: Content is protected !!