ఒక వైపు ఇండియన్ ప్రీమియర్ లీగ్ (IPL) 2025 సీజన్ ఉత్సాహభరితంగా జరుగుతున్న నేపథ్యంలో భారత క్రికెట్ నియంత్రణ మండలి (BCCI) మరో పెద్ద ప్రకటన చేసింది. 2025 సంవత్సరానికి అధికారిక హోమ్ సీజన్ షెడ్యూల్‌ను భారత క్రికెట్ బోర్డు ఎట్టకేలకు విడుదల చేసింది. ఈ సంవత్సరం మెన్ ఇన్ బ్లూ జట్టు వెస్టిండీస్ మరియు దక్షిణాఫ్రికాతో స్వదేశంలో తలపడనుంది. సీనియర్ పురుషుల అంతర్జాతీయ హోమ్ సీజన్ 2025 షెడ్యూల్‌ను ప్రకటించడానికి భారత క్రికెట్ నియంత్రణ మండలి (BCCI) సంతోషంగా ఉంది. రాబోయే సీజన్‌లో వెస్టిండీస్ మరియు దక్షిణాఫ్రికాతో టెస్ట్ మ్యాచ్‌లు, వన్డే ఇంటర్నేషనల్స్ (ODIలు) మరియు ట్వంటీ20 ఇంటర్నేషనల్స్ (T20Iలు) భారత్ లో జరగనున్నాయి.
వెస్టిండీస్‌తో జరిగే IDFC ఫస్ట్ బ్యాంక్ టెస్ట్ సిరీస్‌తో హోమ్ సీజన్ ప్రారంభమవుతుంది. ఇది 2025 అక్టోబర్ 2న అహ్మదాబాద్‌లో ప్రారంభమవుతుంది. ఈ సిరీస్‌లో రెండవ మరియు చివరి టెస్ట్ అక్టోబర్ 10 నుండి కోల్‌కతాలో జరుగుతుంది అని BCCI తన అధికారిక ప్రకటనలో తెలిపింది. వెస్టిండీస్ సిరీస్ తర్వాత, భారతదేశం దక్షిణాఫ్రికాతో మూడు ఫార్మాట్లలో ఉత్కంఠభరితమైన పోటీకి ఆతిథ్యం ఇవ్వనుంది. గౌహతి తన తొలి టెస్ట్ మ్యాచ్‌కు ఆతిథ్యం ఇవ్వనున్నందున దక్షిణాఫ్రికాతో జరిగే ఐడిఎఫ్‌సి ఫస్ట్ బ్యాంక్ టెస్ట్ సిరీస్ చారిత్రాత్మకం అవుతుంది. ఈ సిరీస్ నవంబర్ 14న న్యూఢిల్లీలో ప్రారంభమవుతుంది. నవంబర్ 22 నుండి గౌహతిలో రెండవ టెస్ట్ జరుగుతుంది. ఆ తర్వాత భారతదేశం మరియు దక్షిణాఫ్రికా డిసెంబర్‌లో మూడు మ్యాచ్‌ల వన్డే సిరీస్ మరియు ఐదు మ్యాచ్‌ల టి20ఐ సిరీస్‌లో తలపడతాయి. చివరి మ్యాచ్ అహ్మదాబాద్‌లో జరుగుతుంది.
