విద్యార్థిని పట్ల అసభ్యంగా ప్రవర్తించిన గురువుకు మూడు సంవత్సరాల జైలు శిక్ష ను అనంతపురం జిల్లా స్పెషల్ కోర్ట్ విధించింది. గత ఏడాది గుత్తి లోని ఓ పాఠశాలలో 8వ తరగతి చదువుతున్న అమ్మాయి పట్ల సాలవేముల బాబు అనే టీచర్ అసభ్యంగా ప్రవర్తించాడు. క్లాస్ రూం లోనే అమ్మాయిని బలవంతం చేయబోయాడు.
కీచకుడి చర నుండి తప్పించుకొని జరిగిన విషయాన్ని ఆ అమ్మాయి తల్లికి చెప్పింది. దాంతో విద్యార్థిని తల్లి దిశ SOS కు కాల్ చేసి పోలీసులకు సమాచారం ఇచ్చారు. బాధితురాలి తల్లి ఇచ్చిన ఫిర్యాదు మేరకు నిందితుడిపై 354(D), పోక్స్ ఆక్ట్ కింద కేసు నమోదు చేశారు. ఈ ఘటనపై పూర్తి ఆధారాలను స్పెషల్ పోక్స్ కోర్ట్ కు దిశ పోలీసులు సమర్పించారు.
నిందితుడు సాలవేముల బాబుకు 3 సంవత్సరాల జైలు శిక్ష, 10 వేల రూపాయల జరిమాన విధిస్తూ స్పెషల్ కోర్ట్ జడ్జ్ తీర్పు ఇచ్చారు. తక్షణం స్పందించడంతో పాటు, నిందితుడికి శిక్ష పడేలా పనిచేసిన దిశ పోలీసులకు బాధితులు కృతజ్ఞతలు తెలిపారు.
