భారతీయుల్లో కేవలం 57 శాతం మంది మాత్రమే తమ శృంగార జీవితంలో తృప్తిగా ఉన్నారని కొత్త గ్లోబల్ సర్వే వెల్లడించింది. వేలంటైన్స్ డే సందర్భంగా ప్రపంచ వ్యాప్తంగా నిర్వహించిన సర్వేలో ఈ విషయం తెలిసింది. భారత్ లో డబ్బులు బాగా ఉన్న వారు సంతృప్తికరంగా శృంగార జీవితం అనుభవిస్తుండగా మధ్యతరగతి వారు తక్కువగానూ, అల్పాదాయ వర్గాల వారు మరింత తక్కువగానూ శృంగార జీవితాన్ని అనుభవిస్తున్నట్లు కూడా సర్వేలో వెల్లడి అయింది. 30 దేశాలలో నిర్వహించిన ఈ గ్లోబల్ సర్వే ఫలితాలను వాలెంటైన్స్ డేకి ముందు విడుదల చేశారు.
ఈ కొత్త గ్లోబల్ సర్వే ప్రకారం భారతీయులు తమ ప్రేమ జీవితాలలో అతి తక్కువ సంతృప్తిని కలిగి ఉన్నారని వెల్లడిఅయింది. ‘లవ్ లైఫ్ సంతృప్తి 2025’ సర్వే ఫలితాలు చూస్తే కొలంబియా (82 శాతం), థాయ్‌లాండ్ (81 శాతం), మెక్సికో (81 శాతం), ఇండోనేషియా (81 శాతం), మలేషియా (79 శాతం) వంటి దేశాలు ముందున్నాయి. భారత్ 63 శాతం, దక్షిణ కొరియా 59 శాతం, జపాన్ 56 శాతంతో అట్టడుగున ఉన్నాయి. 30 దేశాలలో 23,765 మందితో, భారతదేశంలో 2,000 మందికి పైగా ఈ సర్వేలో పాల్గొన్నారు. ప్రముఖ మార్కెట్ పరిశోధన మరియు పోలింగ్ సంస్థ Ipsos దీనిని నిర్వహించింది.
“భారతీయులు ఎక్కువగా ఉమ్మడి కుటుంబాలలో నివసిస్తున్నారు. న్యూక్లియర్ కుటుంబాలలో ఉన్నవారు కుటుంబ బాధ్యతలు, పని ఒత్తిళ్లు, వృత్తి మరియు సామాజిక ఒత్తిళ్లను కలిగి ఉంటారు. శృంగారం, శారీరక సాన్నిహిత్యం మరియు ప్రేమ కోసం తక్కువ సమయాన్ని కేటాయిస్తున్నారు” అని గ్రూప్ సర్వీస్ లైన్ లీడర్ అశ్విని సిర్సికర్ తెలిపారు. పోల్ లో పాల్గొన్న భారతీయుల్లో 64 శాతం మంది తాము ప్రేమను పొందుతున్నామని చెప్పగా, 57 శాతం మంది భారతీయులు మాత్రమే తమ శృంగార/సెక్స్ జీవితంలో సంతృప్తిగా ఉన్నామని పేర్కొన్నారు. అయితే ఎక్కువ మంది భారతీయులు (67 శాతం) తమ జీవిత భాగస్వామితో పంచుకున్న సంబంధంతో సంతృప్తి చెందారు.
“ఆసక్తికరమైన విషయం ఏమిటంటే, లైంగిక జీవితం, భాగస్వామితో ఆనందం మధ్య సముతుల్యత కనిపించింది. తమ భాగస్వామితో ఉన్న సంబంధంతో మరింత సంతృప్తిగా ఉన్న దేశాల్లోని వ్యక్తులు వారి శృంగార/సెక్స్ జీవితంతో సంతృప్తి చెందారు.’’ “బ్రెజిల్, దక్షిణ కొరియా, భారతదేశం వంటి కొన్ని దేశాల వారు ఇతర దేశాలతో పోలిస్తే వారి శృంగార / లైంగిక జీవితం వారి జీవిత భాగస్వామితో తక్కువ సంతృప్తిని కలిగి ఉన్నారు” అని తెలిసింది. అధిక ఆదాయం ఉన్నవారు తమ ప్రేమ/శృంగార జీవితాలతో సంతోషంగా ఉంటున్నారని కూడా పరిశోధనలు సూచించాయి.
ఉదాహరణకు, “30 దేశాల్లోని 83 శాతం మంది అధిక ఆదాయ సంపాదనపరులు తమ జీవితంలోని ప్రేమతో సంతృప్తిగా ఉన్నారని చెప్పగా, మధ్య ఆదాయం ఉన్నవారిలో 76 శాతం మంది, తక్కువ ఆదాయం ఉన్నవారిలో 69 శాతం మంది ఉన్నారు” అని సూచించింది. అదే ధోరణి వారి శృంగార మరియు లైంగిక సంతృప్తికి కూడా వర్తిస్తుంది. “అధిక ఆదాయం కలిగిన 67 శాతం మంది ప్రజలు తమ లైంగిక జీవితంతో సంతృప్తి చెందారు. తక్కువ ఆదాయ సంపాదకులలో 51 శాతం మంది మాత్రమే ఉన్నారు” అని అది పేర్కొంది. భారతదేశంలో సుమారు 2,200 మంది వ్యక్తులు ఈ సర్వేలో పాల్గొన్నారు. వీరిలో సుమారు 1,800 మందితో ముఖాముఖిగా మాట్లాడగా, 400 మందిని ఆన్‌లైన్‌లో ఇంటర్వ్యూ చేశారు.
