తిరుపతి శ్రీ కపిలేశ్వరస్వామివారి ఆలయంలో ఫిబ్రవరి 22 నుండి మార్చి 3వ తేదీ వరకు జరుగనున్న వార్షిక బ్రహ్మోత్సవాలను కోవిడ్ -19 వ్యాప్తి నేపథ్యంలో ఏకాంతంగా నిర్వహించనున్నారు. ఫిబ్రవరి 21వ తేదీ సాయంత్రం 6.30 నుండి రాత్రి 8.30 గంటల మధ్య అంకురార్పణతో బ్రహ్మోత్సవాలు ప్రారంభం కానున్నాయి.
బ్రహ్మోత్సవాల్లో వాహనసేవల వివరాలు :
తేదీ ఉదయం సాయంత్రం
22-02-2022 ధ్వజారోహణం(మీనలగ్నం) హంస వాహనం
23-02-2022 సూర్యప్రభ వాహనం చంద్రప్రభ వాహనం
24-02-2022 భూత వాహనం సింహ వాహనం
25-02-2022 మకర వాహనం శేష వాహనం
26-02-2022 తిరుచ్చి ఉత్సవం అధికారనంది వాహనం
27-02-2022 వ్యాఘ్ర వాహనం గజ వాహనం
28-02-2022 కల్పవృక్ష వాహనం అశ్వవాహనం
01-03-2022 రథోత్సవం(భోగితేరు) నందివాహనం
02-03-2022 పురుషామృగవాహనం కల్యాణోత్సవం, తిరుచ్చి ఉత్సవం
03-03-2022 శ్రీనటరాజస్వామివారి రావణాసుర వాహనం,
సూర్యప్రభ వాహనం, త్రిశుల స్నానం. ధ్వజావరోహణం.
ఈ సందర్భంగా ప్రతి రోజు ఉదయం 7 నుండి 9 గంటల వరకు, రాత్రి 7 నుండి 9 గంటల వరకు స్వామి, అమ్మవార్లకు ఆలయంలో ఏకాంతంగా వాహన సేవలు నిర్వహిస్తారు.
ఫిబ్రవరి 20న కోయిల్ ఆళ్వార్ తిరుమంజనం :
శ్రీ కపిలేశ్వరస్వామివారి ఆలయంలో ఫిబ్రవరి 20వ తేదీ కోయిల్ ఆళ్వార్ తిరుమంజనం నిర్వహించనున్నారు. బ్రహ్మోత్సవాల ముందు కోయిల్ ఆళ్వార్ తిరుమంజనం నిర్వహించడం ఆనవాయితీ. ఈ సందర్భంగా ఉదయం 11.30 నుండి మధ్యాహ్నం 2.30 గంటల వరకు కోయిల్ ఆళ్వార్ తిరుమంజనం జరుగనుంది. మధ్యాహ్నం 3.00 గంటల నుండి భక్తులను స్వామివారి దర్శనానికి అనుమతిస్తారు.