చుర్రు మంటున్న ఎండ
మనసు కుతకుతలాడుతూ
చల్లని సమీరం తోడైతే
హాయి లాలస చెంత చేరినట్లే
చిరునవ్వు పెదాల మీద
లాస్యమాడితే
ముల్లోకాలు ముందుకు వచ్చినట్లే
ప్రక్కవాని చెయ్యి
భుజానికి ఆసరాగా నిలబడితే
కొండంత ధైర్యం కన్నులయెదుట సాక్షాత్కారమే
పసివాళ్ళతో ఆటలు మొదలుపెడితే
కల్మషం మొత్తం కరిగి పోయినట్లే
బంధం అనుబంధం అక్కర్లేదనుకుంటే
సర్వం కోల్పోయినట్లేనని తెలుసుకో
కాల్పనిక జగత్తు ఎంతున్నా ఫలితమేమి
సత్యం నిత్యం నిజం లో ఓ
క్షణమున్నా చాలు
ఎక్కడెక్కడోవెతుకుతావు భగవంతుని కోసం
నీ లోనే ఉన్నాడని తెలుసుకునేప్పటికి
జీవితం ముగిసిపోతుంది
ఎదుటి వాళ్ళ జీవితంలోకి తొంగి చూడటం అంటే ఎంతో ఇష్టం
నీలోకి నువ్వు మాత్రం ఒక్కసారి కూడా వెళ్ళవు
మనిషి జన్మ అత్యంత విలువైనది
సహృదయత
మానవత్వాలతో దాన్ని నింపుకో!
యలమర్తి అనూరాధ, హైదరాబాద్, చరవాణి:9247260206