గుమ్మడి, గునుగు కట్ల తంగేడు
బంతి చామంతి మల్లె మందార రంగు రంగుల పూలతో మగువలంతా కూడి సిబ్బిలో బతుకమ్మను సింగరంగా పేర్చి.. శిఖరాగ్రము న పసుపు గౌరి ని పెట్టి..
రంగు రంగుల ముగ్గులు పెట్టి
ముగ్గులోన బతుకమ్మ లు పెట్టి
ఆడబిడ్డలు ఆట పాటలతోని అమాస మొదలు సద్దుల దాకా
అమ్మ బతుకమ్మను అంగరంగ
వైభవంగ కొలిచి నానా రకముల నైవేద్యములు
బెట్టి అడబిడ్డవోలే ఆదరించి
పోయి రమ్మంటు సాగనంపుదురు …
పూలను పూజించే పూల పండుగ !
ప్రకృతి స్వరూపిణి బతుకమ్మ ! తెలంగాణ లోన
మేటి పండుగ !బతుకు నిచ్చిన తల్లి బతుకమ్మ !
శైలజ రాంపల్లి
