ప్రముఖ నిర్మాత గొట్టిముక్కల పాండురంగారావు సారథ్యంలో నిర్మాణం పూర్తి చేసుకున్న ‘ఖేల్’ సినిమా ఫస్ట్ లుక్ ని శనివారం లాంఛనంగా ఆవిష్కరించారు. సంచలన దర్శకుడు సుకుమార్ ఖేల్ ఫస్ట్ లుక్ ని మాదాపూర్ లో రిలీజ్ చేశారు.
ఈ సందర్భంగా సుకుమార్ మాట్లాడుతూ, తన పుట్టినరోజున ఖేల్ సినిమా ఫస్ట్ లుక్ ఆవిష్కరణ జరగడం పట్ల ఆనందం వ్యక్తం చేశారు. చక్కటి కథాంశంతో తెరకెక్కిన ఖేల్ సినిమా ప్రేక్షకాదరణ పొంది విజయవంతం అవుతుందని అభిలషిస్తూ, నిర్మాత గొట్టిముక్కల పాండురంగారావును ఈ సందర్భంగా అభినందించారు.
సుకుమార్ జన్మదినం సందర్భంగా పాండురంగారావు ఆయనకు కేక్ తినిపించి పుట్టినరోజు శుభాకాంక్షలు తెలియజేశారు. పరస్పరం ఒకరినొకరు అభినందించుకున్నారు. సుకుమార్ పుట్టిన రోజున తమ సినిమా ఫస్ట్ లుక్ ఆవిష్కరణ జరగడం పట్ల ఆనందం వెలిబుచ్చారు నిర్మాత పాండురంగారావు.
