నందమూరి కళ్యాణ్ రామ్ హీరోగా వస్తున్న ఎంత మంచి వాడవురా చిత్రం టీజర్ విడుదల అయింది. సతీష్ వేగేశ్న దర్శకత్వంలో వస్తున్న ఈ చిత్రం టీజర్ క్రేజీగా ఉంది. ఎంత మంచి వాడవురా అనే టైటిల్ ఎందుకు పెట్టారో చెబుతున్న ఈ టీజర్ చిత్రం పై మరింత ఆసక్తి రేపుతున్నది. గతంలో ఎన్నడూ లేని విధంగా ఈ సారి కళ్యాణ్ రామ్ సరికొత్త ఎమోషనల్ ఫ్యామిటీ ఎంటర్ టైనర్ తో వస్తున్నాడు. శతమానం భవతి సినిమాతో ఫ్యామిటీ ఆడియన్స్ ను మెప్పించిన సతీష్ ఈ చిత్రంతో మళ్లీ ఫామ్ లోకి వస్తాడని అనుకుంటున్నారు. తన స్టైల్ లోనే ప్రేక్షకులను మెప్పించేందుకు సతీష్ ఈ సారి డిఫరెంట్ స్టోరీతో వస్తున్నాడు. ఈ చిత్రం ద్వారా ప్రముఖ మ్యూజిక్ సంస్థ ఆదిత్య మ్యూజిక్ వారు ప్రొడక్షన్ హౌస్ లోకి అడుగు పెట్టబోతున్నారు. ఉమేష్ గుప్త నిర్మిస్తున్న ఈ సినిమాకు గోపి సుందర్ మ్యూజిక్ అందించనున్నారు. అందాల నాయిక మెహరీన్ హీరోయిన్ గా ఈ చిత్రంలో కళ్యాణ్ రామ్ సరసన నటిస్తున్నది. శివలెంక కృష్ణ ప్రసాద్ చిత్రాన్ని సమర్పిస్తున్నారు.
ఎంత మంచి వాడవురా టీజర్ అదుర్స్
