హైదరాబాద్‌లోని నలంద విద్యాసంస్థల డైరెక్టర్ సూర్య ప్రతిష్టాత్మకమైన నేషనల్ అచీవర్స్ అవార్డ్ ఫర్ ఎడ్యుకేషనల్ ఎక్సలెన్స్ అవార్డు పొందారు. విద్యారంగంలో ఆయన సాధించిన విజయాలకు నేషనల్ అచీవర్స్ రికగ్నిషన్ ఫోరమ్ (NARF) ఈ అవార్డును ఆయనకు బహూకరించింది. వివిధ రంగాలలో గణనీయమైన కృషి చేసిన అసాధారణ వ్యక్తులను NARF అవార్డుకు ఎంపిక చేస్తారు. నేషనల్ అచీవర్స్ రికగ్నిషన్ ఫోరమ్ (NARF) “వ్యక్తిగత విజయాలు, మేధో శ్రేష్ఠత & జాతీయ అభివృద్ధి”పై జాతీయ సెమినార్‌ నిర్వహించింది. ఈ కార్యక్రమంలో ఢిల్లీ లెజిస్లేటివ్ కౌన్సిల్ చైర్మన్ నివాస్ గోయెల్, ఢిల్లీ సామాజిక సంక్షేమ శాఖ మంత్రి రాజ్ కుమార్ ఆనంద్ తదితరులు పాల్గొని సూర్యకు అవార్డు అందచేశారు. నాణ్యమైన విద్యను అందించడం, సమగ్రాభివృద్ధిని పెంపొందించడం మరియు విద్యార్థులు వారి పూర్తి సామర్థ్యాన్ని చేరుకునేలా ప్రేరేపించడంలో సూర్య అసాధారణ నాయకత్వానికి, నిబద్ధతకు ఈ గుర్తింపు లభించింది. ఈ విశేషమైన విజయం నలంద విద్యాసంస్థలకు గర్వకారణమని మొత్తం విద్యాసంస్థలకు స్ఫూర్తిదాయకంగా ఉంటుందని సూర్య తెలిపారు.
నలంద విద్యాసంస్థల డైరెక్టర్ సూర్యకు NARF అవార్డు
