33.2 C
Hyderabad
June 17, 2024 16: 25 PM
Slider ప్రత్యేకం

76 రోజులుగా ఉద్యమాలు చేస్తున్నా ఉలుకుపలుకు లేదు

#bopparajuvenkateswarlu

రాష్ట్ర వ్యాప్తంగా 13 లక్షల మంది ఉద్యోగ, ఉపాధ్యాయ, కార్మిక కర్షక, కాంట్రాక్టు  ఉద్యోగులు 76 రోజులుగా ఉద్యమాలు చేస్తుంటే ఆంధ్రప్రదేశ్ రాష్ట్ర ప్రభుత్వం నుండి ఉలుకు పలుకు లేకపోవడం దుర్మార్గమని ఏ పి జె ఏ సి అమరావతి అధ్యక్షులు బొప్పారాజు వెంకటేశ్వర్లు అన్నారు. మంగళవారం ఏలూరులోని జిల్లా రెవిన్యూ భవన్ లో ఈ నెల 27 వ తేదీన నిర్వహించనున్న 3 వ ప్రాంతీయ సదస్సు నిర్వహణ పై బొప్పరాజు కృష్ణా, ఏలూరు జిల్లాల అమరావతి జె ఏ సి నాయకుల తో అత్యవసర సమావేశం నిర్వహించారు.

ఈ సందర్భం గా బొప్పరాజు వెంకటేశ్వర్లు ఏలూరు మీడియాతో మాట్లాడుతూ ఏలూరులో ఈ నెల 27 న జరిగే  3వ ప్రాంతీయ అమరావతి జె ఏ సి సదస్సుకు ఉద్యోగులు కదం తొక్కి కదలి రావాలని పిలుపు నిచ్చారు. ప్రతి ఒక్క ఉద్యోగి ఉద్యమ స్ఫూర్తిని నింపుకుని ఉగ్ర సింహాల్లా ఉరకలెత్తి తరలి రావాలని కోరారు. సమస్యల పరిష్కరించేంత వరకు ప్రభుత్వం పై పోరాడేందుకు ఉద్యోగుల్లో ఉద్యమ స్ఫూర్తిని రగిలించాలన్నదే ఏ పి జె ఏ సి అమరావతి ప్రాంతీయ సదస్సుల ముఖ్య ఉద్దేశమన్నారు.

పాత 4 డి ఏ లు ఇప్పటివరకు చెల్లించలేదని, కొత్త డి ఏ లు మూడింటికి ఒక్కటి మాత్రమే చెల్లించారని పి ఆర్ సి ఏరియర్స్ కింద రావాల్సిన కోట్లాది రూపాయలు విడుదల చేయలేదని బొప్పరాజు ఆవేదన వ్యక్తం చేశారు. ఉద్యోగుల సమస్యల పై రాష్ట్ర వ్యాప్తంగా 26 జిల్లాల చైర్మన్ ల తో జరిగిన టెలీకాన్ఫరెన్స్ ల వల్ల కూడా  ఉద్యోగులకు ఒరిగిందేమిలేదని బొప్పరాజు విమర్శించారు.

Related posts

బిజెపి వైఖరిపై పోరాటానికి రెడీ అవుతున్న వైసిపి

Satyam NEWS

భక్తుల కోసం ప్రత్యేక లింక్

Murali Krishna

టీచర్లను ఇబ్బంది పెడుతున్న ఇంటి వద్దకే బడి ఉత్తర్వు

Satyam NEWS

Leave a Comment