దక్షిణాఫ్రికాలో బయటపడిన B.1.1.529 అనే వైరస్‌ డెల్టా వేరియంట్ కంటే ఎక్కువగా వ్యాపించే అవకాశం ఉందని, ప్రస్తుతం వ్యాక్సిన్‌లు కూడా దీనికి అంతగా పనిచేయకపోవచ్చని నిపుణులు హెచ్చరిస్తున్నారు.
ఈ వైరస్‌ కారణంగా ప్రపంచ దేశాలతో పాటు ఇండియాలో కూడా హై అలెర్ట్‌లు జారీ అయ్యాయి. మళ్లీ కరోనా నిబంధనలు, ఆంక్షలు అమలుచేసే పరిస్థితులు కనిపిస్తున్నాయి. ఆఫ్రికా దేశాల నుంచి వచ్చే విమానాలపై నిషేధం, ఆంక్షలు విధిస్తున్నారు.
ఈ నేపథ్యంలో ఆఫ్రికన్‌ మెడికల్‌ అసోసియేషన్‌ (ఏఎంఏ) శాస్త్రవేత్తలు, వైద్యులు ఓ మంచి కబురును తీసుకొచ్చారు. డెల్టా వేరియంట్‌తో పోల్చుకుంటే ఓమిక్రాన్‌ వేరియంట్ ప్రభావం తక్కువేనని, మరణాలు కూడా తక్కువగానే నమోదవుతాయని ఊరటనిచ్చే విషయాన్ని చెప్పింది.
