ఉత్తర కాశీ జిల్లాలోని గంగా మాత శీతాకాల నివాసం ముఖ్వా ఆలయంలో ప్రధాని నరేంద్ర మోదీ గురువారం ప్రార్థనలు చేశారు. ముఖ్వా గంగా దేవి పుట్టిన గంగోత్రి ఆలయానికి వెళ్ళే మార్గంలో ఉంది. గంగా మాత విగ్రహం ప్రతి సంవత్సరం శీతాకాలం కోసం దాని ద్వారాలను మూసివేసిన తర్వాత గంగోత్రి ధామ్ నుండి ముఖ్వా ఆలయానికి తరలించబడుతుంది. దీని కోసం పాదయాత్ర, బైక్ ర్యాలీని జెండా ఊపి ప్రారంభించిన ప్రధాని హర్షిల్‌లో బహిరంగ సభలో ప్రసంగించారు.
ప్రధానిగా మోదీ తొలిసారిగా ఈ ఆలయాన్ని సందర్శించడం ఉత్తరాఖండ్‌లో శీతాకాలపు తీర్థయాత్రలు మరియు పర్యాటకాన్ని పెంచుతుందని భావిస్తున్నారు. ఆయన నేతృత్వంలోని ఆర్థిక వ్యవహారాల క్యాబినెట్ కమిటీ రూ. 6,000 కోట్ల విలువైన కేదార్‌నాథ్, హేమకుండ్ సాహిబ్‌లకు రెండు ప్రధాన రోప్‌వే ప్రాజెక్టులను ఆమోదించిన ఒక రోజు తర్వాత ఇది జరిగింది. ఉత్తరాఖండ్ ప్రభుత్వం మతపరమైన పర్యాటకాన్ని ప్రోత్సహించడానికి, స్థానిక ఆర్థిక వ్యవస్థ, హోమ్‌స్టేలు, వ్యాపారాలను ప్రోత్సహించడానికి ఈ సంవత్సరం వింటర్ టూరిజం కార్యక్రమాన్ని ప్రారంభించింది.
ముఖ్యమంత్రి పుష్కర్ సింగ్ ధామి ఎక్స్‌లో పోస్ట్‌లో ప్రధానికి ఘన స్వాగతం పలికారు. “మతం, ఆధ్యాత్మికత మరియు త్యాగాల పుణ్యభూమి అయిన దేవభూమి ఉత్తరాఖండ్‌ను సందర్శించిన ప్రధానికి హృదయపూర్వక స్వాగతం అని అన్నారు. ఆధ్యాత్మికతో బాటు ప్రకృతి అందాలతో నిండిన ముఖ్వా-హర్సిల్‌లో ప్రధాన మంత్రి పర్యటనను వీక్షించేందుకు రాష్ట్ర వాసులు ఉత్సాహంగా ఉన్నారు” అని ఆయన అన్నారు. “ఖచ్చితంగా, ఈ శీతాకాల పర్యటన రాష్ట్ర సాంస్కృతిక, ఆధ్యాత్మిక మరియు పర్యాటక అభివృద్ధికి కొత్త కోణాలను ఇస్తుంది,” అని ధామి అన్నారు. మోడీ పర్యటన ప్రపంచ పర్యాటక పటంలో ముఖ్వాను ఉంచుతుందని ఆశాభావం వ్యక్తం చేశారు.
