ఉత్తరప్రదేశ్ లక్నో పర్యటనలో కాంగ్రెస్ నేత ప్రియాంకా గాంధీకి చేదు అనుభవం ఎదురైంది. పౌరహక్కు చట్ట సవరణ వ్యతిరేకిస్తూ నిరసన వ్యక్తం చేసిన మాజీ ఐఎఎస్ అధికారి దారపురిని పోలీసులు అరెస్ట్ చేశారు. ఈ క్రమంలో ఆయన కుటుంబాన్ని పరామర్శించేందుకు కాంగ్రెస్ పార్టీ కార్యకర్త టు వీలర్ పై ప్రయాణించి వారి ఇంటికి చేరుకున్నారు.
ఆ కుటుంబాన్ని పరామర్శించి వస్తుండగా ప్రియాంకా గాంధీని మహిళా పోలీసులు అడ్డుకున్నారు. ఆమె గొంతుపై చేయి వేసి తోసి వేశారు. ఈ ఘటనతో ఆమె షాక్ కు లోనయ్యారు. వెంటనే తేరుకుని అక్కడ నుంచి కాలినడకన సమీపంలోని మీడియా పాయింట్ కు చేరుకుని.. తనపై పోలీసులు చేసిన దాడిని ప్రియాంక తెలిపారు.
