వరసకు కూతురు అయితేనేం తన కామ దృష్టి మారదు అంటూ ఒకడు ప్రవర్తించాడు. దారుణమైన ఈ సంఘటన హైదరాబాద్ శివారులోని నేరేడు మెట్ లో జరిగింది.
సాఫ్ట్ వేర్ ఇంజనీర్ అయిన జయరాం భార్యతో మనస్పర్థలు వచ్చి విడిపోయాడు. ఆ తర్వాత మరొక మహిళను పెళ్లి చేసుకున్నాడు. పెళ్లి నాటికే ఆమెకు ఒక కుమార్తె ఉంది.
18 ఏళ్ల ఆ అమ్మాయిపై జయరాం కన్నేశాడు. తండ్రి స్థానంలో ఉన్న అతను ఆ విధంగా ప్రవర్తించడంతో బాధ కలిగి భార్య తన బంధువులకు విషయం చెప్పింది.
దాంతో వారు ఆ అమ్మాయిని తమ ఇంటికి తరలించారు. అక్కడే ఆ అమ్మాయి ఉంటున్నది. ఇది నచ్చని జయరాం కూతుర్ని ఇంటికి తీసుకురావాలని భార్యపై తీవ్రంగా వత్తిడి తెస్తున్నాడు.
దాంతో ఏం చేయాలో అర్ధం కాని భార్య నేరేడ్ మెట్ పోలీసులను ఆశ్రయించింది. పోలీసులు కేసు నమోదు చేసి దర్యాప్తు చేస్తున్నారు.
