షారుఖ్ ఖాన్ చిత్రం ‘పఠాన్’ థియేటర్లలోకి వచ్చింది. సిద్ధార్థ్ ఆనంద్ దర్శకత్వంలో తెరకెక్కిన పఠాన్ సినిమా ట్రైలర్ విడుదలైనప్పటి నుంచి జనాలు జనవరి 25 కోసం ఎదురుచూస్తున్నారు. రికార్డు స్థాయిలో అడ్వాన్స్ బుకింగ్ కూడా చేసుకున్నారు. తొలిరోజు సినిమాపై జనాల్లో విపరీతమైన ఉత్సాహం కనిపించింది. తొలి రోజు కలెక్షన్ లెక్కల్లో షారుఖ్ సినిమా హాఫ్ సెంచరీ కొట్టినట్లు కనిపిస్తోంది. ఈ సినిమా తొలి రోజు 52.50 కోట్ల మార్క్ను దాటేసింది. ఈ కలెక్షన్తో షారూఖ్ ఖాన్ ఇప్పటి వరకూ రికార్డ్ కలెక్షన్లు సాధించిన అమీర్ ఖాన్ థగ్స్ ఆఫ్ హిందూస్థాన్ను బీట్ చేశాడు. అమీర్ సినిమా మొదటి రోజు 52.25 కోట్ల బిజినెస్ చేసింది.
అలాగే ఈ సినిమా ఓపెనింగ్ డే బాహుబలి 2, భరత్ వంటి చిత్రాలను కూడా ఓవర్ టేక్ చేసింది. ఈ అద్భుతమైన సంపాదనతో పఠాన్ ఇప్పుడు మూడో అతిపెద్ద ఓపెనర్గా నిలిచాడు. దీంతో షారుక్ కెరీర్లోనే బిగ్గెస్ట్ ఓపెనర్గా పఠాన్ నిలిచింది. గతంలో ఆయన నటించిన హ్యాపీ న్యూ ఇయర్ సినిమా 44.97 కోట్ల బిజినెస్ చేసింది. మొదటి రోజు పఠాన్కి వచ్చిన అద్భుతమైన రెస్పాన్స్ని బట్టి ఈ సినిమా వారాంతంలోగా ఎన్నో రికార్డులు సృష్టిస్తుందని అంచనా వేస్తున్నారు. రేపు అంటే జనవరి 26న రిపబ్లిక్ డే సెలవు రోజున ఈ సినిమా కలెక్షన్లలో విపరీతమైన జంప్ చూడొచ్చు. షారుఖ్తో పాటు, దీపికా పదుకొణె మరియు జాన్ అబ్రహం కూడా ఇందులో ముఖ్యమైన పాత్రలు పోషించారు. ఈ చిత్రంలో సల్మాన్ ఖాన్ టైగర్గా అతిధి పాత్రలో కనిపించనున్నారు.