యాదాద్రి భువనగిరి జిల్లా ఆలేరులో జరిగిన రోడ్డు ప్రమాదంలో పోలీసు అధికారి మరణించారు. వరంగల్ పోలీస్ ట్రైనింగ్ సెంటర్లో విధులు నిర్వహిస్తున్న రిజర్వ్ ఇన్స్పెక్టర్ కర్ణుడు(36) ఈ ప్రమాదంలో మరణించారు. హైదరాబాద్ వరంగల్ 163 జాతీయ రహదారిపై పెంబర్తి కమాను వద్ద ఈ రోడ్డు ప్రమాదం జరిగింది.
TS09 PA 4533 బొలెరో వాహనం వెనుక టైరు పంక్చర్ కావడంతో అదుపు తప్పి రోడ్డుపై పల్టీ కొట్టింది. అందులో ప్రయాణిస్తున్న 2014 బ్యాచ్ కు చెందిన కర్ణుడు అక్కడికక్కడే మరణించారు. మృతదేహాన్ని జనగాం ఏరియా ఆస్పత్రికి తరలించారు.
