ఆకలితీరక ఒకడి ఆరాటం
తిన్నది అరిగేందుకు మరొకరు ఉబలాటం
జీవం తీసేందుకు ఒకడి అహంకారం
ప్రాణం కోసం ఇంకొకడి పోరాటం
చేసేందుకు పనిలేక మరొకడి ఆవేదన
మానవ ఆలోచనల మధ్య సంఘర్షణ
అంతా సంక్షోభ మయం
లోకమంతా సందిగ్ధ మయం
అయినా రాజకీయాలే ఈ సమాజంలో
ఎటు పోతుంది ఈ మానవ ప్రపంచం?
వైరస్ సోకింది మనిషికా? మానవత్వానికా?
ఇప్పుడిక శుభ్రపరచాల్సింది మన చేతుల్ని శరీరాన్ని కాదు
మలినమైన ఈ మానవ మస్తిష్కాల్ని, మనసుల్ని
సుధా శేఖర్ ఐనంపూడి (అమెరికా)