బోనాల వైభోగం

భారతీయత సంస్కార రత్నం

తెలుగు తేజం రాష్ట్ర వైభవం

వనదేవతల పూజ మన ఆచారం

వనదేవతలకు ప్రీతికరం బోనం

అదే మన తెలంగాణకు వైభోగం

అమ్మకు బోనాల పండుగ

బోనంతోనే ప్రారంభం

బోనంతోని మగువలం

వెళ్లినం జాతరకు ఆలయం

అక్కడ జాతర ప్రాంగణం

పోతురాజుల విన్యాసం

తాకుతుంది అంబరం

అమ్మకు పిల్లమందరం

చేస్తాము వందనం

ఇంట్లో అంత సంబరం

ఊరు వాడ  అందరం

కలిసి చేస్తాం ఉత్సవం

అమ్మకు బోనం చేస్తాం

కళ్ళు ,శాక పోస్తాం

అమ్మకు చీరెలు పెడతాం

అమ్మ  దీవెనలు  పొందుతాం

అమ్మకు రంగం సిద్ధం

పచ్చి కుండే ఆధారం

భవిష్యత్తు వినేందుకు జనం

అమ్మ నవ్వుల పలికే శాంతం

అమ్మకు కానుకల సమర్పణం

సంతోషంగా అమ్మ దర్శనం

అమ్మ చల్లని చూపే ప్రాణం.

-టి. సంయుక్తా కృష్ణమూర్తి, MCA.,M.ED, కరీమబాద్, వరంగల్ జిల్లా