రామచంద్రుని రాయబారి

పలికెడిది భాగవతమనియు

పలికించెడివాడు

రామ భద్రుండనియు తెలిపిన

వినయ సంపన్న సహజ పాండిత్యుడు

పోతనామాత్యుడు

వ్యాస విరచితమైన

సంస్కృత భాగవతమును

ఆంధ్రీకరించిన పునీతుడు

భగినీ దండకము

తొట్టతెలుగు దండకంగా విరిసెను

నారాయణ శతకం నవవిధ

భక్తి మార్గాల ముక్తి దాయకము

దక్షయజ్ఞ మందు శివుని పరాక్రమము

తెలిపిన వీరభద్ర విజయము

మంగళసూత్ర వైశిష్ట్యాన్ని

విశదపరిచిన అద్భుత కావ్యము

సజీవ పాత్రల చిత్రణ లోకోత్తర భావుక శక్తి

అద్భుత కథా కథన శిల్పాలు

భక్తి మాధుర్యాలు వీరి శైలీసాధనాలు

మహత్వ కవిత్వ పటుత్వ సంపదలకై

అమ్మలగన్న అమ్మ దుర్గమ్మ కోరిన

భక్తి చతురాననుడు

ఆటవెలది ఛందస్సులో జనుల

రంజింపచేసిన పద్యాలు

శబ్దాలంకార ప్రియత్వాలు

రాజభోగాలు కెన్నడు చేయిచాచని అభిమానధనుడు

ఒక చేత హలమును మరో చేత కలమును చేబూని భగవన్నామ  క్షేత్రాన సుమధుర

కావ్య సేద్యం చేసిన సవ్యసాచి

ఊరక రారు మహాత్ములు అని చెప్పిన రామచంద్రుని రాయబారి

భావ సంతృప్తి భవ సంతృప్తి పొందిన పుణ్యజీవి

( పోతనామాత్యుని గూర్చి కవిత)

విశ్వైక, సికింద్రాబాదు