పాములపర్తి వారికో పట్టుపోగు

మౌన చక్రవర్తిగా  పేరుగాంచిన  పాములపర్తి

ఆర్భాటాలెరుగని అఖండుడు, అనైతికత అంటని  ఉద్దండుడు

విని వినినంతనె వేగపడని ఘటికుడు

బహుభాషా కోవిదుడీ లోపలి మనిషి

అసమ్మతిని,ఆరోపణల్ని అవలీలగా అధిగమించిన ధీశాలి

ప్రశంసలకి  పొంగిపోని మౌని, విమర్శలకు కుంగిపోని యోగి

నిర్ణయాలు తీసుకోకపోవటం కూడా ఓ నిర్ణయమేనన్న మేధావి

చట్టం తనపని తాను చేసుకుపోతుందన్న విరాగి

పండిత ప్రధాని మన దేశ పదవ ప్రధాని

నవోదయ పాఠశాలల రూపకర్త  (పీఠిక) పీ.వీ

భారతదేశపు ఠీవి మన ఈ ఘనాపాఠి

భూ,ఆర్ధిక సంస్కరణలకు  ఆయనే ఆద్యుడు

అనువాదంలోనూ, తన వాదంలోనూ  ప్రావీణ్యుడు

సాహిత్యం లోనూ   సాన్నిహిత్యం లోనూ  ప్రసిద్దుడు

సమాజ  హితం  కోరుకునే  ప్రజాహితుడు

జ్ణానభూమి లో శాశ్వత నిద్ర పోయిన జ్ణాని

పెనుమాక  నాగేశ్వరరావు, గుంటూరు-522004, సెల్:9441254044