సరస్వతిని వశపరచి
బృహస్పతిగ మలచిన
గురుధ్వజ దిగ్గజములారా……
నిరంతరము యంత్రమువోలె
విరామమెరుగక శ్రమించే
అనంత సేవాభావ
కిరణాలు మీరేకదా……
చదువుల తల్లి ఒడిలో
చదువుతో పాటు
సంస్కార ఓంకారము దిద్దించి
భావిభారత పౌరులుగ మలచి
నీతినియమాల ఖ్యాతికి
రూపురేఖలు దిద్దిన ఘనత
గురువులైన మీకే కదా……
విభిన్న రంగాలలో
సాటిలేని ప్రతిభకు పట్టంకట్టి
యువకులకు మార్గదర్శకులైన
మీ వాక్చాతుర్య పిపాస అపారం
మానవత్వపు విలువలకు
మణిహారాలై నిలచిన
ఓ ….గురుదేవులారా
వందనాలు..వందనాలు..వందనాలు
(5,సెప్టెంబరు, ఉపాధ్యాయ దినోత్సవం సందర్భంగా)
కె.హరనాధ్
