నిజాం నిరంకుశ పాలన నుంచి తెలంగాణ
విముక్తికి పోరు బాట పట్టిన ధీరుడా
అలుపెరగని వీరుడా
తెలంగాణ గడ్డపై గర్జిచిన సింహమా !
తెలుగు నేల ముఖ్యమంత్రిగా
భూసంస్కరణలు ప్రవేశపెట్టి
ముల్కి నిబంధనలు రద్దుపరచి
బడుగుల బతుకుల్లో జ్యోతి వెలిగించావు !
విశ్వవిఖ్యాత మహానాయకగా
తెలుగు జాతి మణి దీపికగా
భారతమాత రత్నాల బిడ్డగా
జాతి హృదిలో నిలిచాడు పాములపర్తి!
పదహారు భాషల పండిత ప్రకండ
న్యాయ శాస్త్ర పండిత భాస్కర
విజ్ఞానివై మహాజ్ఞానివై ఏకసంధాగ్రహీతగా
నిలిపావు దేశ ఖ్యాతిని వినువీథుల్లో !
ఆర్థిక సంస్కరణల పితామహునిగా
దేశాన్ని ప్రగతి పథం వైపు నడిపావు
జగతిలో జాతి గౌరవం నిలిపావు
దేశ నాయిక గణంలో ఆణిముత్యమై వెలిశావు !
వావిలిపల్లి రాజారావు, పొందూరు, శ్రీకాకుళం జిల్లా, ఆంధ్రప్రదేశ్, చలన భాషిణి 9963606391