మనపాములపర్తి
పుట్టింది లక్నేపల్లిలో
పెరిగింది దత్తుడై వంగరలో
చిన్ననాటే నాటుకున్న దేశభక్తి
జ్వలించిన స్వరాజ్య కాంక్షానురక్తి
నిజాం నిరంకుశపాలనపై…
వందేమాతర నిరసనగళంతో
ప్రజాజీవన ప్రస్థానారంభం
దక్షిణభారత్ నుంచి ఎన్నికైన తొలిప్రధాని
దీక్షాదక్షతలున్న తాత్త్విక జ్ఞాని
ఆర్థికసంస్కరణల సంస్కర్త
సరళీకరణలకావిష్కర్త
మౌనమే నా భాషన్న తాపసి
నిశ్శబ్దాన్ని కప్పుకున్న యశస్వి
మన పీవీ…
వ్యక్తిపూజలు, వ్యక్తిత్వ హననాలు తెలీని నియోగి
సిసలైన నిష్కామకర్మయోగి
తెలంగాణా ముద్దు బిడ్డైన మహామనీషి
తెలుగుజాతి కన్న మరోఉక్కు మనిషి
బహుముఖ కోణాల
సమున్నత వ్యక్తిత్వం
భారత ధాత్రి చరిత్రలో
చెరిగిపోని సువర్ణసంతకం.
పొలమరశెట్టి కృష్ణారావు, ఉప్పల్, హైదరాబాద్. సెల్ నెం: 9676544764.