అపర చాణక్యుడు

నేడే ఈనాడే మన మాజీ భారత ప్రధాని పీవీ నరసింహారావు గారి శతజయంతి

మన తెలంగాణ తల్లి సిగలోన మెరిసే విరిసే మా తెలుగు వెలుగు కళాకాంతుల పూబంతి!

సమస్త సాహితీ వనమందు తాను

చేశాడు సహస్ర ఫణులతో విందు

చదివిన వారికి అది బహు పసందు విన్నవారికి ఏమో కలిగించు కనువిందు!

పలు ఆర్థిక సంస్కరణలను సంధించిన వాడు ఆర్థిక వ్యవస్థను సక్రమ మార్గంలో నడిపించిన రేడు

భారతదేశ ఆర్థిక స్థితిగతులను పరిపుష్టం గావించి

భారతీయుల కరువు బరువు తొలగించే తాను సాహసించి!

అరాచకాల  అఘాయిత్యాల తాను అరికట్టి

భిన్నత్వంలో ఏకత్వాన్ని జనానికి చూపెట్టి

మన దేశ ఆర్థిక వ్యవస్థను ఉద్ధరించిన ఉద్దండుడు

అవస్థ లేని వ్యవస్థకు బీజం విత్తిన  సంసిద్ధుండు!

రాజకీయ శక్తి  యుక్తి  యూహంలో  రాటుదేలిన

భారతావనిలో అపర చాణుక్యుడై  ఏలిన

మీ అపూర్వ జ్ఞాపకాల నీడల్లో మేమంతా జీవిస్తాం

సూర్యచంద్రులు ఉన్నంత వరకు నిన్నే స్మరిస్తాం!

గుర్రాల లక్ష్మారెడ్డి, కల్వకుర్తి