సంస్కృతి సంప్రదాయాలే మా తెలంగాణ
పొలిమేర్ల బోడ్రై పెట్టిన కాడినుంచి
పోచమ్మకు బలిచ్చే దాక
బొట్టుబెట్టిన కాడినుంచి
బోనమేత్తే దాక
గజ్జగట్టి గంతులేసే
బోనాల పండుగనుండి
బతుకు సింగిడికి పూల రంగులద్దే
బతుకు పాటల బతుకమ్మ ఆట దాక
పెద్దమ్మ కోలుపుల నుండి
పిరిల్ల పండుగ దాక
జన సంద్రమాయే సమ్మక్క సారక్క జాతర నుండి
గోండు గుండెల్లో కొలువుండే నాగోబా జాతర దాక
సంస్కృతి సంప్రదాయాలే మా తెలంగాణ
దశ దిశల క్యాతి గడించిన దాశరథి నుండి
చివరి క్షణం వరకు జనం కోసం కలం తో ఘర్జించిన
కాళోజి దాక
పాటలతో పోరాటాన్ని పుట్టించిన సుద్దాల
హనుమంతు నుండి
పదాలతో విప్లవాన్ని విరజిమ్మిన అలిశెట్టి ప్రభాకర్ దాక
పచ్చదనాన్ని పల్లవించే పల్లె పాటల వెంకన్న నుండి
పోరుబాటను పెనవేసే పోరు పాటల గద్దరన్న దాక
కవులే మా తెలంగాణ
తెలంగాణ తురుపుముక్క రావినారాయణ రెడ్డి
నుండి
తెలంగాణ పులిబిడ్డ బద్దం ఎల్లారెడ్డి
ప్రోఫెసర్ జయ శంకర్ నుండి
పోరుబిడ్డ కెసిఆర్ దాక
మా తెలంగాణ
– డా.ఆలూరి విల్సన్, నల్లగొండ, చరవాణి:9396610766