ఏ తల్లి కన్నదో తెలియదు
కామాతురై కని వదిలేసిందో
పేదరికంతో వదిలేసిందో
తెలియదు కానీ
బ్రతుకు వీధి పాలైంది
అనాథాశ్రమమే నివాసమైంది
లాలింపులు, బుజ్జగింపులు లేవు
గోరుముద్దలు లేవు
అభద్రతా వలయం
ఏ ప్రేమ మూర్తులు
ఆపన్నహస్తం అందిస్తారో
అని ఎదురు చూపులు
అమ్మా,
మేము ఏ పాపం చేసాము
ఇలా గాలికి వదిలేశావు
మమ్మల్ని కనమని నిన్నడగలేదే
అని మౌనంగా రోదించే
చిన్నారుల హృదయ ఘోష
ఆ తల్లికి వినిపిస్తుందో లేదో!
(అంతర్జాతీయ బాలికా దినోత్సవం సందర్భంగా)
పి వి ఎస్ కృష్ణకుమారి