యుగ యుగాల సామాజిక పరివర్తనం
తరతరాల అనువంశిక సారం ఆద్యతం
పునీతమాయె పవిత్ర గంగా ప్రవాహ పరవళ్ళ చేరి
కొండ కోనల్లో తుళ్ళుతూ
దేశ దేశాలు పరికిస్తూ
మలుపు మలుపున కొత్త పుంతలు తొక్కుతూ
పాడి పొలాల దాహార్తి నింపుతూ
ముంచిన దోసిట ఐశ్వర్యం పెంచుతూ
తర తమములు ఎంచక
ఆయురారోగ్య ఐశ్వర్యములు పంచుతూ
ధర్మ అర్ద కామ మోక్షాలు ప్రసాదిస్తూ
దిన దిన ప్రవర్ధమానమై జీవించమని దీవిస్తూ
లోక కల్యాణార్దమై – నిత్యమూ చరిస్తూ…
ధర్మాన్ని నాలుగు పాదాల నడిపించే
శక్తి సమ్మోహనం…..నా సంస్కృతి
ప్రతీకను కుంకుమ – భరిణన నిక్షిప్త పరచి
గడప గడపకు అందించి
పవిత్రతను లలాటాన దిద్దిన
‘ సింధూరం ‘….నా సంస్కృతి….నా దేశం
నా దేశ సంస్కృతి….హిందూ దేశ సంస్కృతి
రాజశ్రీ రెడ్డి మోర్తల
