పసిపాపలా స్వచ్ఛంగా నవ్వుతూ
పారే సెలయేరులా చైతన్య స్రవంతిలా
పిడికెడంత మనసుని
పీకిపాకాన పెట్టక
పుడమి ఒడిలో పూచే పువ్వులా
ప్రతిస్పందించే గుండెచప్పుడులా
పెంచుకున్న బంధాలను త్రుంచుకోకుండా
పేరే నీ పెట్టుబడి అన్నంత పేరును
సంపాదించుకొని
పైవాడి ఆశీస్సులతో
పొర పొచ్చాలు లేని
పోరాటము ఆరాటము
పౌరుషం అహం లేని
ప్రశాంత జీవనం గడపాలని
పండుగలా ప్రతి ఉదయం
అనిపించాలనీ మనసారా కోరుకుంటూ
నా ఈ పిలుపు పిల్లతెమ్మెరలా
అందరి హృదిని చేరాలని ఆకాంక్షిస్తూ
జీవితం పిజ్జా బేస్ లా మాత్రమే కాకుండా
టాపింగ్ లాంటి అభిరుచి ఆశయాలతో
మరింత తృప్తిగా ఆకర్షణీయంగా
సుసంపన్నం చేసుకునే దిశగా
సాగాలని అభిలషిస్తూ
అందరికీ నూతన సంవత్సర శుభాకాంక్షలు
మంజుల సూర్య, హైదరాబాద్
