గ్రీష్మం వేడిని చల్లార్చే ప్రియనేస్తం
చిరుగాలుల సవ్వడుల వర్తమానం ముందుగానే గిలిగింతలు గుసగుసలు ప్రారంభం
ఆకాశాన ఇంద్రధనుస్సు సందర్శనం
ఆహ్లాద వాతావరణం మనసుకు ఇంపుగా
సన్నటి జలతారు వాన
నింగికి నేలకు వారధి కడుతూ పూల జల్లులును తలపిస్తూ
వస్త్రపు నేతను మరిపిస్తూ
ఎద రసతరంగమై ఊయలలు ఆకు ఆకున తళుక్కున మెరిసే జల బిందువులు
ఉల్లాసాన్నీ ఉత్సాహాన్ని అందిస్తూ
తీగలకు హారంలా నిలిచి మురిపించే నీటి ముత్యాలు
మట్టి సుగంధ పరిమళాల
ఆస్వాదన మైమరుపు అన్నింటా మిన్న
రైతుల కళ్ళల్లో వెలిగే వెలుగులు
వర్షం ఎప్పుడూ హర్షమే!
యలమర్తి అనూరాధ హైదరాబాద్ చారవాణి:9247260206