పీవీకి నివాళి

ఓ నిస్వార్థ నిరాడంబర

రాజకీయ దురంధరా

బహుభాషా నేతగా

రాజకీయ చదరంగంలో

ఎత్తులకు పై ఎత్తులు వేసి

అహంకారాంధకారాన్ని

అణచివేసి ఆహుతిచేసి

కాలాంతక నాయకుల్ని

కాలరాచిన

జిత్తులమారి రాజకీయ

చతురాగ్ర శిఖరమా

విశ్వనాధ  వేయిపడగలపై

అనువాద అక్షర కిరణాలను

‘సహస్ర ఫణ్’గా సంధించిన

వాచస్పతివి నీవు—-

రాజకీయ కుట్రల విషనాగుల

నినాదాలు,వివాదాలకు

తిలోదకాలిప్పించి

ప్రగతి ప్రతీకగా

జగతి పతాకమై ప్రజ్వరిల్లగా—

ఉజ్వల దేశ భవిష్యత్తుకు

ఊపిరివై ప్రతి తెలుగు వాడి హృదిగది

మనసు నిండా నిలిచావు

పీవీ నీకివే శతజయంతి

మహోత్సవాలకి నా

కవితా సుమాల నివాళి

కె.హరనాథ్ 9703542598