అమ్మ ఉండి కూడా నా దేశం
అనాథ ఎలా అయ్యెను
జగజ్జనని ఉన్నా
జగతికి రక్షణ లేకుండెను
పసికూనలాంటి ప్రాపంచకము
పట్టించుకునేవారు లేక
కొట్టుమిట్టాడుతుండే
పసిది ఏడవగానే పరుగున వచ్చే తల్లి
మమకారపు మలాముతో
స్వాన్తన చేకూర్చదేమి
ఇంత జరుగుతున్నా
కొంతైనా చింతలేక చెంతకు రాదేమి
ఒడిలోకి తీసుకోవాల్సిన తల్లి
ఒదిలేసేను ఎందుకిలా
ఆపదలో ఉన్నాము
ఆదుకునగా రావమ్మా
ఆక్రోదనలు ఆక్రోశాలు అవనియంతా ఆవరించే
ఆక్షేపించే సమయం కాదు
అక్కున చేర్చుకోవమ్మా
కుక్క చావు చస్తున్నాం
కిక్కురుమనవేల నీవు
ప్రకృతి మాతవు నీవు
ప్రకోపిస్తుంటే చూసేవేల
ప్రశ్నకు ప్రశ్నే సమాధానమా
పుడమి ఒడిలోకి వెళ్లడమే
నీవు మాకు చూపించే మార్గమా
ఇక ఓపలేకున్నాము
తాళలేకున్నాము
భక్తితో కొలిచేము నిన్ను
మా బ్రతుకును శాసించు
బోనం తెచ్చేము తల్లి
ప్రాణము కాపాడరామ్మా
శాకము పాకము నీకే
శోకాన్ని మిగుల్చబోకు
భరోసా ఇవ్వుతల్లీ
మా వెన్నంటి నీవున్నావని
కళ్ళు తెరిచి కరుణించు
నీ పిల్లలను కనికరించు
ఈ యుద్ధములో గెలిపించు
అజేయులుగా మము నిలిపించు
మంజుల సూర్య, హైదరాబాద్