ఆషాఢమాసం బోనాలు

తెలంగాణకు మకుటాయమానం బోనం

ఆషాఢమాసాన ఆరంభమగు

గ్రామదేవతా ఆరాధనోత్సవం

ప్రకృతి ప్రకోపం శాపమై

ప్రాణాంతక మలేరియా బారినబడి

ఉసురుకోల్పోయిరి జంటనగరాల జనులనేకులు

అంటువ్యాధులు ప్రబలకుండా

భక్తితో జగన్మాతనారాధించు మహోత్సవం

చిత్రాన్నప్రియయైన అమ్మవారికి

భక్తిప్రపత్తులతో నివేదించు నైవేద్యం బోనం

కొత్త కుండలో శుచిగా అన్నం వండి

పసుపు కుంకుమలతో పూజించి

ఘటం చుట్టూ వేపాకులు గట్టి

బోనం పైభాగమున దీపమును తీర్చి

ఎత్తుకుందురు తెలంగాణా పడతులు

మోదముప్పొంగ తలపై బోనమును

నిర్వహింతురు అంగరంగ వైభవంగా

లాల్ దర్వాజా లష్కర్ బోనాలు

ఉజ్జయిని మహంకాళి బోనాలు

జగన్మాత సోదరుడు పోతురాజు

గ్రామరక్షకుడై బోనమెత్తు సమయాన

కొరడా ఝళిపించి సృష్టించు వీరంగం

వినిపించు మాతంగి రంగమును

కూష్మాoడ బలి జరుగు బోనాల తుదిదినం

మక్కువతో భక్తిభావముప్పొంగ

రాష్ట్రపండుగగా గుర్తింపునొసగె తెలంగాణా సర్కార్

-ముడుంబై శేషఫణి, వరంగల్ అర్బన్, 9441771955