ఆశ్వీయుజ అమావాస్య రోజున
బహుళ చతుర్థినే నరక చతుర్దశి
చీకటి వెలుగుల రంగేళి దీపావళి
దీపం పరబ్రహ్మ స్వరూపంగా
అజ్ఞాన చీకట్లను పారద్రోలే జ్ఞానానికి ప్రతీక
జగతిని జాగృతం చేసే చైతన్య దీపావళి
నరకాసుర సంహార పీడను తొలగిస్తూ
చెడుపై మంచి విజయానికి చిహ్నంగా
అందాల ప్రమిదల వరుస దీప కాంతులు
కమ్మనైన తీపి వంటకాల అరగింపులు
లక్ష్మీదేవి, కేదారేశ్వర వ్రతాల పూజలతో
ఐశ్వర్యానికి సంకేతం ఈ దీపావళి
ఆ బాల గోపాలానికి ఆనందాల హరివిల్లు
నేటి దీపావళి బాణాసంచా చప్పులు
ధ్వని వాయు కాలుష్యాల హోరుకు…
విలవిలలాడుతున్న ధరణి…
పర్యావరణాన్ని పరిరక్షించుదాం..
కాలుష్యాన్ని అరికడదాం…..
.రోజురోజుకీ పెరుగుతున్న నరకాసురులు
చిదుమబడుతున్న చిన్నారులు….
ప్రతి స్త్రీకి కావాలి సత్యభామ స్ఫూర్తి
ప్రతి ఇంటా చిరునవ్వుల దీపాలు వెలగాలి
పత్తెం వసంత కరీంనగర్