నా తెలుగు

అమ్మ పాల కమ్మదనం నా తెలుగు

పిలుపు లోని మాధుర్యం నా తెలుగు

పెరుగన్నం మీగడ పలుకులు నా తెలుగు

ఆవకాయ రుచుల ఆకలింపు నా తెలుగు

అలవోకగా నేర్చుకునే   నా తెలుగు

ఆకలిదప్పులను మరిపించే నా తెలుగు

ఇటాలియన్ ఆఫ్ ద ఈస్ట్  గా  నా తెలుగు

ఆత్మీయతను అందిపుచ్చే నా తెలుగు

అమ్మ ఒడిలోని లాలి పాటలు నా తెలుగు

నుడి కారపు సొంపులు ఉన్న నా తెలుగు

అజ్ఞానాన్ని తుంచి జ్ఞానాన్ని పెంచే నా తెలుగు

తేనెలురించు ప్రియ భాషణం నా తెలుగు

యాస ప్రాసలు మేళవితమైన నా తెలుగు

అలంకార సోయగాల నా తెలుగు

నానుడి పలుకుబళ్ళుతో వికసించిన నా తెలుగు

చరిత్రలో మైలురాయిగా నిలిచిన నా తెలుగు

స్నేహ పరిమళాల గుబాళింపు నా తెలుగు

వికసించే పుష్పం లాంటి నా తెలుగు

సాంప్రదాయానికి కలికితురాయి నా తెలుగు

నడవడికకు మార్గం ఇచ్చినా తెలుగు

అన్నింటా ఎన్నిటికో వెలుగు చూపు నా తెలుగు

సమతా మమతల సంకలనం నా తెలుగు

విశాల జీవనమాధుర్యానికి రూపం నా తెలుగు

విశ్వవ్యాప్త ఆత్మబంధువు నా తెలుగు

నేడు పరభాషా మోజుతో అంతరిస్తున్న నా తెలుగు

ప్రాచీన భాషలకు జీవన ఆధారం నా తెలుగు

విశ్వమానవాళికి గర్వ కారణం కావాలి నా తెలుగు

(అంతర్జాతీయ మాతృభాషా దినోత్సవం సందర్భంగా)

పత్తెo వసంత, కరీంనగర్