అమ్మ పలుకు

అమ్మ పాల కమ్మదనం

నాన్న మురిపాల మూలధనం

తోబుట్టు ప్రేమల అనుబంధం

తీగసాగిన రక్తసంబంధాల

రాగ సుగంధం

ఆలుమగల అనురాగం లోని

ప్రణయ ప్రబంధం

కన్న పిల్లల ఆనందాల హరివిల్లుల వల్లరి

కన్నెపిల్ల కొంటెచూపు సోయగాల అల్లరి

అమ్మ పలుకు నందే

అందమైన పెన్నిధి

అమ్మ పిలుపు లోనే

అద్భుతాల సన్నిధి

మమకారాల నుడికారాలు

కారాలూ మిరియాల వెటకారాలు

సామెతలూ జాతీయాలు పలుకుబడులు కొల్లలు

పొడుపుకథల చిక్కుముడులకు

లేనె లేవు ఎల్లలు

హృద్యమైన పద్యాలు

స్వంతమైన అవధానాలు

విభిన్న ప్రక్రియల గులేబకావళి

విశేష ప్రత్యేకతల నిత్య దీపావళి

యాభయ్యారు అక్షరాల అక్షయ పాత్ర యిది

సాహితీ సౌరభాల సాంస్కృతిక యాత్రే మరి!

నూటెంకి రవీంద్ర, లక్షెట్టిపేట, 9491533295.