“అమ్మా! నువ్వు ఇంత అందంగా ఎలా ఉన్నావు?”
మా అమ్మాయి ఉత్సాహంగా అడిగింది !
“అమ్మమ్మా! నువ్వు ఇంత అందంగా ఎలా ఉన్నావు?”
మా మనవడు కుతూహలంగా అడిగాడు!
“నానమ్మా! మీకు ఇవన్నీ ఎలా తెలుసు?”
మా మనవరాలు ఆశ్చర్యపడుతూ అడిగింది!
” అత్తమ్మా! మీరు ఇంత ధారాళంగా ఎలా మాట్లాడగలుగుతున్నారు?”
మా కోడలు పిల్ల అబ్బుర పడుతూ అడిగింది !
“అమ్మా! మీకు ఇవన్నీ ఎలా యాది ఉంటాయి ?”
పేపర్ బాయ్ సందేహంగా అడిగాడు !
“మేడం ! మీరు ఇంత కొత్తగా ఎలా ఆలోచించగలుగుతున్నారు?”
అసోసియేషన్ ప్రెసిడెంట్ ప్రశంసా పూర్వకంగా అడిగింది !
అమ్మా! నువ్వు గుర్తు వచ్చావు…
ఇవన్నీ ఒకప్పుడు నేను నిన్ను అడిగే దాన్ని కదా…..!
అయినంపూడి శ్రీలక్ష్మి 9989928562
