ఆ పిలుపు అమృతధార
ఆ రూపం అపురూపం
ఆ తలంపు అనుభూతివనం
ఆ మనసు మానస సరోవరం
ఆ భావన మధురసం
ఆ ప్రేమ జీవనది
ఆ కారుణ్యం వరం
ఆ ఒడి దేవుని కోవెల
ఆ ఆప్యాయత గిరిశిఖరం
ఆ పాట అమృతవర్షిణి
ఆ సహనము పృధ్వీ తత్వం
ఆ కోపం ఓ అరుణకిరణం
ఆ దండన సంభావన
ఆ గుండె అగాథం
ఆ అండ ప్రకృతిసిద్ధము
ఆ పలుకులు జీవనవెలుగులు
ఆ నడక నైతిక మడుగులు
ఆ సేవలు అంతులేని గాథలు
ఆ గుర్తులు వెన్నెలకాంతులు
ఆ జ్ఞాపకం జీవన సాఫల్యం
ఆ శూన్యత అంధకారం
ఆ మరుపు నరకయాతన
ఆ వర్ణన కవికందని ఊహాస్పందన
ఇదంతా అమ్మ ఆలాపన, ఆరాధన,
ఆస్వాదన, అవలోకన, అద్భుతాల మది శోధన…..
“మాతృ దినోత్సవ” సంబరం అమ్మలందరికీ వందనం
తుమ్మ జనార్దన్ 9440710501