రాసే ప్రతి కలం అమ్మను తమ అక్షరాలతో తడిమి చూపించాలనే
పాడే ప్రతి గాయకుడు అమ్మకు తొలిగీతం వినిపించాలనే
ఆడే ప్రతి బొమ్మ అమ్మబొమ్మగా మారాలనే
నర్తించే నాట్యకత్తె అమ్మను తన నటనలో రంగరించాలనే
పుట్టిన పసికందునోట పలికేతొలిపలుకు అమ్మవ్వాలని
పెరిగే ప్రతిబిడ్డకు అమ్మ అండ అవుతుందని
అవనిలో సహనమంటే అమ్మని
విశ్వమంత ప్రేమ అమ్మది మాత్రమేనని
అమ్మ ఆదిగురవని అమ్మ ఇంటి దీపమని
అమ్మకొంగు బంగారమని
అమ్మే సర్వస్వమని
అమ్మను పూజించమని
అమ్మ మాటవినమని
అమ్మగురించి ఎంతని చెప్పగలవ్
అమ్మను తలవకుండా అసలుండగలవా
ఎందుకంటే..
అమ్మ నీ ఊపిరి
అమ్మ నీ ఉఛ్వాస
అమ్మ నీ ఆశ
అమ్మ నీ బలం
అమ్మ నీ బలహీనత
అమ్మ నీ అస్థిత్వం
అమ్మ నీ ఆత్మవిశ్వాసం
అమ్మ కమ్మని కావ్యం
అమ్మ అందమైన చిత్రం
అమ్మ అద్భుత భావన
అమ్మ ఆనందహేల
అమ్మ అప్సరస
అమ్మ జగతికి అండ
అమ్మ ప్రేమించే లాలన
అమ్మంటే ఓదార్పు
అమ్మ ఒక దీవెన
ఇంకేం చెప్పను
అమ్మ అమ్మే
అమ్మే నీ అసలు వెలుగు
అది నీలో నిండుగ నింపుకో
అమ్మ ఎన్నటికీ నీతోడు..
డా. సమ్మెట విజయ